Councillor Links

Croeso, i'ch porth aelodau

Yma fe welwch ddolenni cyswllt defnyddiol a'r materion mwyaf cyffredin yr adroddir amdanynt.

Sylwer, nid yw’r gwasanaeth yma i’w defnyddio gan aelodau ar gyfer eu ceisiadau personol eu hunain, neu ar gyfer ceisiadau ar ran aelodau o’ch teulu. Dylid cofnodi unrhyw geisiadau personol drwy wefan y Cyngor (Yn agor mewn tab newydd )

I ddechrau, dylai eich etholwr roi gwybod am unrhyw broblem ei hun. Os oes angen i chi wneud cais am wasanaeth, defnyddiwch y dolenni isod.

Bydd adrodd drwy gais am wasanaeth yn golygu y bydd y mater yn cael ei ddyrannu i'r tîm perthnasol ar unwaith. Wedyn gall yr Uned Gwasanaethau Democrataidd ganolbwyntio ar ymholiadau cyffredinol drwy'r system ymholiadau sy'n cael eu dyrannu i'r gwasanaeth perthnasol ar gyfer ateb o fewn y terfyn amser o 7 diwrnod.

Dolenni defnyddiol

Adrodd am broblem / gofyn am wasanaeth

Os hoffech wneud cais am wasanaeth, defnyddiwch y dolenni isod. Os nad yw'r cais am wasanaeth wedi'i restru, e-bostiwch yr Uned Gwasanaethau Democrataidd – gan roi cymaint o wybodaeth â phosibl.

Rhoi gwybod am finiau sydd heb eu casglu

Cofiwch ein bod yn casglu eich biniau unrhyw bryd o 6am. Os yw eich gwastraff heb ei gasglu, peidiwch â rhoi gwybod am hynny tan ar ôl 2pm (neu ar ôl 3pm ar gyfer gwastraff hylendid/cewynnau) er mwyn rhoi digon o amser i'r criw gasglu yn eich ardal.

Rhoi gwybod am dipio anghyfreithlon

Mae tipio anghyfreithlon yn drosedd a gallech gael dirwy o hyd at £50,000 neu wynebu cael eich carcharu pe byddech yn cael eich dal. Os gwelwch chi rywun yn tipio'n anghyfreithlon, rhowch wybod i ni cyn gynted â phosibl. Ein nod yw gwaredu gwastraff tipio anghyfreithlon o fewn 10 diwrnod gwaith (yn gynt yn dibynnu ar yr hyn sydd wedi'i dipio'n anghyfreithlon neu'r lleoliad)

Rhoi gwybod am gerbyd wedi'i adael

I'n helpu i ddelio'n gyflym â cherbyd sydd wedi'i adael, rhowch gynifer o fanylion â phosibl fel: gwneuthuriad, model a lliw, rhif cofrestru'r cerbyd, cyflwr y cerbyd a'r union leoliad. Os yw'r cerbyd ar dir cyhoeddus ac ystyrir ei fod wedi'i adael, bydd yn cael ei symud ar ôl cyfnod o saith diwrnod. Os yw'r cerbyd ar Dir Preifat ac ystyrir ei fod wedi'i adael, bydd y cerbyd yn cael ei symud ar ôl cyfnod o bymtheg diwrnod ac ar ôl cael cydsyniad gan y tirfeddiannwr.

Rhoi gwybod am broblem sbwriel

Gallwch chi helpu i gadw ein sir yn lân drwy roi gwybod am unrhyw sbwriel, neu os ydych chi'n gweld rhywun yn gollwng sbwriel. Rhowch gynifer o fanylion â phosibl, fel lleoliad ac unrhyw luniau sydd gennych. Mae amser ymateb 10 diwrnod gwaith (yn gynt yn achos gwydr).

Rhoi gwybod am olau stryd ddiffygiol

Rydym yn cynnal archwiliadau rheolaidd, ond os byddwch chi'n sylwi ar olau stryd diffygiol, rhowch wybod i ni gan y bydd yn ein helpu i flaenoriaethu gwaith atgyweirio. Bydd atgyweiriadau'n cael eu gwneud 15 diwrnod gwaith ar ôl i'r diffyg gael ei adrodd ac o fewn 20 diwrnod gwaith os na ellir ei atgyweirio ar yr ymweliad cyntaf.

Atgyweirio tai

Os ydych yn rhoi gwybod am atgyweiriad ar ran un o'n tenantiaid, gallwch wneud cais am waith atgyweirio er mwyn rhoi gwybod i ni beth sydd angen ei atgyweirio yn ei dŷ. Bydd amseroedd ymateb yn nhrefn blaenoriaeth.

Mae categorïau blaenoriaeth ar gael ar y wefan.

Rhoi gwybod am achos o dorri rheolau cynllunio

Os ydych chi'n ymwybodol o unrhyw waith sydd heb gael caniatâd cynllunio, neu sy'n methu â chydymffurfio ag amodau sydd ynghlwm wrth gais am ganiatâd cynllunio, cysylltwch â ni.

Llifogydd / draeniau wedi'u blocio ar y briffordd

Rhowch wybod i ni am lifogydd neu ddraen wedi'i blocio ar y briffordd. Ymdrinnir â digwyddiadau yn nhrefn blaenoriaeth yn dibynnu ar ddifrifoldeb y llifogydd.

Rhowch wybod am dwll yn y ffordd

Rhowch wybod I ni am unrhyw dyllau a allai achosi perygl I ddefnyddwyr y ffordd. Bydd amserau ymateb yn amrywio gan ddibynnu ar faint, dyfnder a lleoliad y difrod.